Alver municipality

Alver kommune ligg nord for Bergen og er ein sentral kommune i Nordhordland og Bergensregionen. Kommunen vart etablert i 2020 gjennom samanslåinga av Lindås, Meland og Radøy, og har rundt 30 000 innbyggjarar.

Alver har eit variert og internasjonalt retta næringsliv, med sterke miljø innan industri, energi, hav, teknologi og eksport. Kommunen er vertskommune for Mongstad, eit av dei viktigaste industriområda i Noreg, og arbeider aktivt med utvikling av grøn industri, ny teknologi og framtidsretta arbeidsplassar.

Kommunen er også ein del av Nordhordland UNESCO biosfæreområde, der berekraftig utvikling og samspelet mellom natur, lokalsamfunn og næringsliv står sentralt. Alver har erfaring frå europeisk samarbeid og EU-prosjekt, mellom anna innan kompetanseutvikling og utdanning.

Sjå Alver kommune si nettside for meir informasjon.