Studentpraktikant

Om praksisopphaldet

Som studentpraktikant blir du ein del av den daglege drifta ved kontoret og får relevant arbeidserfaring frå den politiske hovudstaden i EU. Oppgåvene kan mellom anna vere å skrive artiklar og nyheitsbrev, delta i aktivitetane til kontoret og følgje aktuelle arrangement og konferansar i Brussel.

Vi ser etter studentar som har god kjennskap til institusjonane og politikken i EU, og som kjenner Vestlandet og interessene i regionen. Praksisopphaldet gir deg høve til å bruke den faglege kunnskapen din i praksis og få større innsikt i europeisk samarbeid.

Praksisplassen er ulønt. Det blir derfor lagt opp til at opphaldet inngår i utdanninga og gir studiepoeng, slik at studenten kan søkje om støtte frå Lånekassen. Det kan òg vere mogleg å søkje om mobilitetsstipend gjennom Erasmus+.

Praksisplassen for vårsemesteret blir normalt lyst ut om hausten, medan plassen for haustsemesteret blir lyst ut om våren. Aktuelle kandidatar blir inviterte til intervju.