Ullensvang municipality

Industri, frukt og grøn omstilling.

Ullensvang kommune ligg i hjartet av Hardanger og har om lag 11 000 innbyggjarar. Kommunen kombinerer storslått natur med eit mangfaldig næringsliv, der industri, vasskraft, landbruk, havbruk og reiseliv står sterkt.

Ullensvang er ein viktig eksportkommune med verdsleiande industri og lange tradisjonar innan metallproduksjon. Samstundes er kommunen Noregs største fruktkommune og ein attraktiv reiselivsdestinasjon med naturattraksjonar som Trolltunga, Hardangervidda og Folgefonna. Kommunen arbeider aktivt med berekraft, sirkulærøkonomi og det grøne skiftet.

Gjennom medlemskap i Vest-Norges Brusselkontor styrkjer Ullensvang kommune koplinga til Europa og får tilgang til innsikt, nettverk og moglegheiter for internasjonalt samarbeid som støttar utvikling av næringsliv og lokalsamfunn.

Les meir på www.ullensvang.kommune.no.